Nettverk for norske folkemusikkarkiv blei oppretta i 2008 og er eit forum for samarbeid, kunnskapsutvikling og kulturpolitisk arbeid for folkemusikkarkiva i landet. Alle som arbeider med dokumentasjon av folkelege musikk- og dansetradisjonar i Noreg er velkomne til å delta i nettverket. Norsk senter for folkemusikk og folkedans er sekretariat og fungerer som vertskap for det årlege arkivseminaret som blir arrangert i Trondheim. Interesserte kan ta kontakt med Norsk senter for folkemusikk og folkedans eller ein av kontaktpersonane i nettverket.