FolkArkiv Trøndelag
Foto: Meråker Historielag
Om oss
Dei to siste åra har FolkArkiv Trøndelag jobba for å auke medvitet om formidling av mangfaldet i musikk- og dansetradisjonane i lokalsamfunn der mange tradisjonsbærarar i dag er borte. I eit flyktig samfunn med raske skiftingar blir ikkje lokale tradisjonar ført vidare slik dei vart tidlegare, og vi må tenkje annleis om korleis vi kan bidra til å bevare, vidareføre og vidareutvikle folkemusikken og folkedansen i Trøndelag.
Vi har ei rekke prosjekt og aktivitetar for å formidle tradisjonsmusikk og -dans til barn, unge og vaksne i alle aldrar over heile regionen. Vi samarbeider med lokale aktørar på folkemusikk- og folkedansfeltet, og med musikk- og kulturlivet generelt, og med lokale og regionale institusjonar som også har ansvar for immateriell kulturarv i Trøndelag.
Trøndelag har ein mangfaldig og unik folkemusikk- og folkedansarv. Gjennom dokumentasjon og formidlingstiltak arbeider vi i FolkArkiv Trøndelag for å ta vare på tradisjonsmateriale før det går tapt for ettertida, gjere arkivopptak tilgjengelege for publikum og bidra til synleggjering av dei rike tradisjonane som finst i regionen.
-
Vi har ei rekke prosjekt og aktivitetar for å formidle tradisjonsmusikk og -dans til barn, unge og vaksne i alle aldrar over heile regionen. Gjennom arkivdykkarrangement, kurs og konsertar, panelsamtalar, samarbeid med kulturskular og undervisingsopplegg vil vi halde fram med å synleggjere mangfaldet av musikk- og dansetradisjonar i fylket, og ved å løfte fram lokale tradisjonsmiljø med tradisjonberarar, eldsjeler og profesjonelle utøvarar på feltet, ønsker vi å styrke vidareføringa av tradisjonane til nye generasjonar og rekruttere barn og unge til lokale tradisjonsmiljø. Vi samarbeider med lokale aktørar på folkemusikk- og folkedansfeltet, og med musikk- og kulturlivet generelt, og med lokale og regionale institusjonar som også har ansvar for immateriell kulturarv i Trøndelag.
Folkemusikk- og folkedanstradisjonane har historisk fått lite eller ingen offentleg stønad samanlikna med andre kulturuttrykk, og det har ført til at situasjonen no er kritisk for ein del lokale tradisjonar i Trøndelag. Ein viktig del av mandatet vårt er også å synleggjere for politikarar og kulturinstitusjonar at vi treng eit løft på heile feltet, at det hastar med å få dokumentert mykje av den trønderske tradisjonsmusikken og -dansen, og korleis ei styrking av tradisjonsmusikken og -dansen kan gjere lokalsamfunn meir berekraftige.
FolkArkiv Trøndelag arbeider også for at også urfolk og nasjonale minoriteter skal ha moglegheit til å vidareføre kunnskapen i og om sine musikk- og dansetradisjonar til nye generasjonar. I samarbeid med dei og Saemien Sijte vil FolkArkiv Trøndelag framover arbeide med å løfte fram og dokumentere sørsamiske tradisjonar.
Prosjektet ligg i dag under Norsk senter for folkemusikk og folkedans, og er finansiert av Trøndelag fylkeskommune.
Eier av foto: Meråker historielag. Sosial sammenkomst i Teveldalen – Larsstuggu bl.a. med spellemennene f.v. Otto Teveldal (fele), John Teveldal (gitar), Anders B. Stordal (trekkspell) og Olaf Bjørneggen (fele).
Aktuelt
Prosjekter
Eksempler fra arkivet
Interessert i å låne arkivmateriale? Ta kontakt her for utlån og veiledning.
Kontakt FolkArkiv Trøndelag
Har du spørsmål, innspill eller ønsker å komme i kontakt med arkivformidlerne?
Marit Vestrum • Arkivformidler og prosjektleder FolkArkiv Trøndelag
marit.vestrum@folkemusikkogfolkedans.no
Telefon 45214352
